As de leu ging stoet aat’n, was ‘t mel goedkoop

Ie leeft mer veur de helft a’j alleen veur oezelf leeft

Gries haor is ‘t bewies van aolerdom, nich van wiesheid

Well wett’n wil wat röst is, mot eerst lear’n weerken

Leu, hoot ok almoal löp, hoalt in ere de noaberschop

Net a’j good wakker bint, is het weer tied um noar bed te goan

Met femilie köj wa waandel’n, mer nich haandel’n

As ‘n ekster op ‘n veerk’n spreenk, is ‘t ‘m um de luus te doon

Hearlik doert meestieds nich laank

De Geleerd’n schriewt ‘n almanak, mer God dee maakt ‘t weer

‘t Nus van ‘n klookst’n ekster wodt ok wa mangs leughaald

Ok kleane bees gewt mest

Woar de kip wearkt hebt de haan röst

De beste baan lig nich veur ‘t griep’n, mer in de schoefkoar

‘t Het is wiezer as ‘t verstaand

De jeugd van vedaag is nich van gister

Tegn’n dommigheid steet niks in de wet

Aold wodd’n is nich zo slim, met wat leu wodt d’r zo lillek bie

Allns wat vebodd’n is smaakt zeut

Bin’m zömtig, tachentig joar, blif van oons gin kop of hoar

Dramn is gen keunst, deurdramn wal

Riekdom gef gin vestaand, mer haolt oe wal plezeerig dom

As ‘n eenen haand ‘n aander waschet, wodt ze beede kloar

‘t Leste hèèmd hef ginnen tuk

Zolaank ‘t ‘n meanske good geet braandt he nich tevöl kears’n

Van nen ossen köj nich meer snien as ‘n good stuk vlees

A’j de koo vekoopt, bi’j ok de geier kwiet

Ie könt better de kloomp vesliet’n as ‘t ber

Ie könt nich betaaln met nen toon tuk

Ik wil heugerop, zeer de jong, en hee kwam an ‘n galg’n

Oet ‘n ölievat mo’j gin wien schèènk’n

De vezopp’n dubbelkes koompt toch good terech a’j ‘n dochter van de kastelein trouwt

Wat baov’n in ‘n zak zit, mot ‘t eerst d’r oet

Wel hoog op ‘n ladder steet z’ot ‘t meest. En brek ‘t eerst ‘n nekk’n

Ok nen döl zeg wal is nen wiez’n sprök

D’r heurt meer bie ‘n hoeshaol’n as veer been oonder eenen taofel

As nen appel riep is vaalt he, al is ‘t ok in ‘n drek

Al leer ie ‘n schaop ok ‘t Oonzevader, he röp toch aaltied: bèè.

Wel ‘n aander wil opjaag’n, mot zolf op ‘n draf

Oons Leemn Heer vist mangs met nen hengel en ‘n duuvel met ‘n net

De mooiste dingen in ‘t leamn kost ginnen stuuver

Allns met maot, zeer ‘n kastelein en hee droonk ‘n kloar’n oet ‘n kenneke

Nen slecht’n snieder gef de naold de scheuld

Niks is zo ni’j as wat allaank is vergetn

‘t Venaamste is da’j good gezoond bint. En dat oe vrouw good weark hef

Heb ie geald dan kö’j huuze bouw’n, heb ie ‘t nich dan mo’j steen sjouw’n

Leefde is as de maon: as ze nich groter wodt, wodt ze klèèner

‘t Middelste is de baas aover de bèède èènd’n

Niks kost op ‘n doer zovöl geald as ‘t eerste glèèske foezel

As de Döls naor de maarkt gaot, vedeent de koopleu geald

Wel an alle pötkes en pennekes likt krig spleenters in ‘n tong

Wel naor ‘n hemmel spi’jt, spi’jt zichzölf op ‘n kop.

Wel naar zuunig is, geet op ‘n kop staon um de veut te spoar’n

Ok bleende hooner vindt mangs ‘n keurnke

Nen aol’n haaz’n kèènt elk’n strik

Better twee maol vraog’n as één maol de weg kwiet

‘n Onbescheid’n meanske is as nen breef, den alkeen kan lèèz’n

Wel nen hoog’n deunk van zichzölf hef, kik nich geern in ‘n speegel

Mangs is ‘t zo: ie wilt nich, mer ie möt wa.

Dee heele lappe heurt mi’j, zee de snieder, dow keek e in ron’ne en höw zich op de knee, dee pas oetstukt was

Ciefers leejt nich, mer leugenaors ciefert mangs zo good

Twee kwaode heunde biet meka nichLater besteet nich

’t Doert laank aleer ie twintig bint, mer vieftig bi’j zo

Ie könt met geald vedeen’n ok tied veknooi’n

D’r bint meer leu dee ‘t klèène in ‘t grote zeet as ‘t grote in ‘t klèène

Wel in ‘n glaaz’n hoes woont, mot nich met steen gaon smiet’n

Van heur’n zegg’n, leeg ie’t meest.

Nen slecht’n roop bi’j ear riek as kwiet

‘t Is de vlakte dee de bearg döt oetkomm’n

Ie könt gin twee schoonzöns tegeliek met eenen dochter maak’n

Wel goode naobers hef, kan geröst gaon slaop’n

‘n Duuvel wil van al ‘t haolt vuur maak’n

Vöggel wilt wal kers’n ett’n, mer gin beum pott’n

D’r is gin één zo wies of he kan ‘t mis hebb’n

Wel te völ wil, hef aait te weinig geluk

Op ‘n jongstn dag is ‘n buul net zovöl weerd als ‘t geald

Elk ‘t ziene haolt de vreendschop in staand

Leu kuiert noa ze verstaand hebt

Wel ‘t hoogst op ‘n ledder steet vaalt ‘t deepst

Mest is nich heilig, mer döt wal woonder, woar as ‘t vaalt

Ok ‘n best’n jager schöt mangs langs ‘n haazen

Kismennekes hoof ie gin zuug’n te learn en jongeleu gin vri’j’n

Völ is mangs good, good is aait völ

Wel ‘t ber verkoch, mot op de groond slaop’n

Woar ‘n zadel op de schup zit, kan oonkroed greuj’n

Wel aait geluk hef, hef gin vestaand neudig

As de motte ‘n zoomp’n umsmit mot de bigg’n ‘t lien

D’r is gin sprekker, dee ‘t ‘n zwieger kan vebetter’n

Verloor’n tied veend ie nich wier

Wel met ‘n bakker et, wet nich wat de stoet kost

Ie mot eerst ‘t weenter deur um ‘t veurjoar te belèèv’n

Wel deur de ploog riek wil wodd’n, kan ‘t peerd ‘t weark laot’n doon

Geald is drek, mer wel ‘t nich hef steet veur gek

Leefde löp meer gevoar um te bevreez’n as um te vebraand’n

As ‘n woar’n Jozef koomp, dan zeg Maria “jao”

‘n Vèèrk’n geet nich dood van ‘n smerig’n mer weal van ‘n leug’n zoomp’n

In de kökk’n van ‘n naober is ‘t aait vetter

‘n Dag van mon’n koomp aait wier, ‘n dag van gister nooit

Eén oog is genog um te zeen wa’j zeen mot

Peerde vaalt ook, al hebt ze veer peut